Ամենօրյա խնդիրներ կատարելու համար մագնեզիումն անհրաժեշտ է օրգանիզմին՝ սկսած պարբերաբար առաջացող սթրեսի հաղթահարումից մինչև ոսկրերի առողջության պահպանումը: Բայց արդյո՞ք մագնեզիումն ապահովում է սրտի առողջության պահպանումը։ Եվ արդյո՞ք այն կարող է պահպանել սրտի առողջ ռիթմը։
Եկեք մանրամասնորեն դիտարկենք մագնեզիումի դերը սրտի առողջության պահպանման գործում, և թե մագնեզիում պարունակող որ հավելումների գործածումը կարող է օգտակար լինել ձեզ համար:
ԻՆՉ Է ՄԱԳՆԵԶԻՈՒՄԸ ԵՎ ԻՆՉՈՒ Է ԱՅՆ ԿԱՐԵՎՈՐ
Մագնեզիումն օրգանիզմում առկա չորրորդ ամենատարածված միներալն է, որը կարևոր դեր է խաղում ավելի քան 300 ֆերմենտային համակարգերում:¹ Այն օրգանիզմին օպտիմալ գործելու համար անհրաժեշտ յոթ հիմնական միներալներից մեկն է.
- անհրաժեշտ է էներգիայի արտադրման,
- մկանների կծկման,
- նյարդային ազդակների փոխանցման,
- արյան մեջ շաքարի մակարդակի կարգավորման
- և շատ այլ գործընթացների համար։
ԱՐԴՅՈ՞Ք ՄԱԳՆԵԶԻՈՒՄԸ ՆՊԱՍՏՈՒՄ Է ՍՐՏԱՄԿԱՆԻ ԿԾԿՈՒՄՆԵՐԻ ՆՈՐՄԱԼ ՀԱՃԱԽԱԿԱՆՈՒԹՅՈՒՆ ԱՊԱՀՈՎԵԼՈՒՆ
Մագնեզիումն էլեկտրոլիտ է, ինչպես և մյուս միներալները՝ կալցիումը, կալիումը և նատրիումը: Էլեկտրոլիտները մեծ դեր են խաղում օրգանիզմի նյարդային և մկանային համակարգերի գործունեության հարցում: Դրանք օգնում են գործողության պոտենցիալ կոչվող էլեկտրական ազդանշաններ ստեղծել և ուղարկել, ինչը մեր նյարդերին թույլ է տալիս ազդակներ ուղարկել, իսկ մկաններին՝ շարժվել:
Քանի որ սիրտն իրենից մկան է ներկայացնում, օրգանիզմում էլեկտրոլիտների ճիշտ հավասարակշռության պահպանումը կարևոր է, որպեսզի սիրտն ազդանշաններ ստանա այն մասին, թե որքան արագ կամ դանդաղ պետք է բաբախի:²
Սրտի կծկումների հաճախականության վրա մագնեզիումի ազդեցությունը հստակ հասկանալու համար անհրաժեշտ է իմանալ, թե ինչպես է տեղի ունենում սրտի բաբախման գործընթացը:
ԻՆՉՊԵ՞Ս Է ՄԱԳՆԵԶԻՈՒՄԸ ՊԱՀԱՊԱՆՈՒՄ ՍՐՏԻ ԱՌՈՂՋՈՒԹՅՈՒՆԸ
Սիրտը հզոր պոմպ է, որն ապահովում է ողջ օրգանիզմի արյան շրջանառությունը: Սինուսային հանգույցն էլեկտրական ազդանշաններ է ուղարկում, որոնք սկզբում հասնում են սրտի վերին, այնուհետև՝ ստորին խոռոչներ:
Նախքան ստորին խոռոչներ (փորոքներ) հասնելն ազդանշանը պետք է անցնի նախասիրտ-փորոքային (ատրիովենտրիկուլյար) հանգույց կոչվող բջիջների խմբի միջով։ Ատրիովենտրիկուլյար հանգույցը հանդես է գալիս ճանապարհային երթևեկութունը կարգավորողի դերում. այն օգնում է դանդաղեցնել ազդանշանի փոխանցումը՝ համոզվելու համար, որ սրտի ստորին խոռոչները (փորոքները) պատրաստ են գործելու:
Ատրիովենտրիկուլյար հանգույցը կարող է դիտվել նաև որպես նվագախմբի դիրիժոր, որը հետևում է, որպեսզի սրտի յուրաքանչյուր հատված ճիշտ ժամանակին կատարի իր գործառույթը՝ ապահովելով արյան անխափան շրջանառությունը։
Մագնեզիումը կարևոր դեր ունի ատրիովենտրիկուլյար հանգույցի ճիշտ աշխատանքի գործում: Չափից շատ մագնեզիումը կարող է դանդաղեցնել ձեր սրտի բաբախումը: Իսկ չափից քիչ մագնեզիումի դեպքում ձեր սրտի բաբախման հաճախականությունը կարող է մեծանալ:³
Ո՞Ր ՄԱԳՆԵԶԻՈՒՄՆ ԸՆՏՐԵԼ ՍՐՏԻ ԱՌՈՂՋՈՒԹՅԱՆ ՊԱՀՊԱՆՄԱՆ ՀԱՄԱՐ
SOLGAR-ի «Մագնեզիումի ցիտրատ»-ը մագնեզիումի աղբյուր է օրգանական դյուրամարս ձևով։ Պրոդուկտն օգնում է․
- պահպանել սրտանոթային համակարգի առողջությունը,
- նվազեցնել անհանգստությունը և բարձրացնել սթրեսակայունությունը,
- ապահովել նյարդային և մկանային համակարգերի պատշաճ կենսագործունեությունը,
- պահպանել ոսկրերի առողջությունը,
- բարձր պահել բջջային էներգիայի մակարդակը։
Ո՞ՐՆ Է ՄԱԳՆԵԶԻՈՒՄ ԸՆԴՈՒՆԵԼՈՒ ԼԱՎԱԳՈՒՅՆ ԺԱՄԸ
Մագնեզիում կարելի է ընդունել օրվա ցանկացած ժամի։ Ոմանք նախընտրում են ընդունել այն քնելուց առաջ, մյուսները՝ առավոտյան։ Այս դեպքում կանոնավորությունն ընդունման կոնկրետ ժամանակացույցից ավելի կարևոր է:
Ո՞Ր ՊՐՈԴՈՒԿՏՆԵՐՆ ԵՆ ՄԱԳՆԵԶԻՈՒՄ ՊԱՐՈՒՆԱԿՈՒՄ
Մագնեզիումի լավագույն աղբյուրներից մեկը մուգ տերևավոր կանաչին է։ Դա պայմանավորված է նրանով, որ բույսերի աճի համար մագնեզիում է հարկավոր։ Մագնեզիումը քլորոֆիլի՝ ֆոտոսինթեզի համար պատասխանատու և բույսերին կանաչ գույն հաղորդող մոլեկուլի կարևորագույն բաղադրիչն է:
ՄԱԳՆԵԶԻՈՒՄՈՎ ՀԱՐՈՒՍՏ ՊՐՈԴՈՒԿՏՆԵՐ․
- Լոբազգիներ՝ սև լոբի,
- Տերևավոր կանաչի՝ սպանախ,
- Ամբողջական հացահատիկներ՝ հերկուլես, ամբողջահատիկ ձավար,
- Ընկուզեղեն և սերմեր՝ գետնանուշ, նուշ, հնդկական ընկույզ, դդմի սերմեր, չիայի սերմեր,
- Այլ պրոդուկտներ՝ մուգ շոկոլադ, ավոկադո։⁴
ԵԶՐԱԿԱՑՈՒԹՅՈՒՆ
Մագնեզիումը կարևոր դեր է խաղում սրտի առողջության պահպանման գործում և կարող է օգնել սրտի կանոնավոր ռիթմն ապահովելու գործում: Solgar®-ն առաջարկում է մագնեզիում պարունակող կենսաակտիվ հավելումների մի քանի տարբերակ՝ նախատեսված սրտի աշխատանքի և սրտանոթային համակարգի առողջության պահպանման համար:
ՀՂՈՒՄ:
- https://www.aafp.org/pubs/afp/issues/2009/0715/p157.html;
- https://pubmed.ncbi.nlm.nih.gov/31082167/;
- https://www.ncbi.nlm.nih.gov/pmc/articles/PMC9598104/;
- https://ods.od.nih.gov/factsheets/Magnesium-HealthProfessional/.
