Երբ շատ աշխատանք է կուտակվում, առաջին հերթին զոհաբերում ենք քունը։ Սակայն քնի պակասը հաջորդ օրվա քնկոտության զգացողությունից էլ լուրջ հետևանքներ ունի։ Այն ազդում է օրգանիզմի տարբեր գործառույթների վրա, ներառյալ իմունային համակարգը:
Անբավարար քնի ազդեցությունը իմունիտետի վրա
Հավանաբար, դուք նկատել եք, որ վատ ինքնազգացողության դեպքում քնկոտություն է առաջանում։ Բավարար քունն օրգանիզմին օգնում է կարգավորել իմունային համակարգի ազդանշանային սպիտակուցների՝ ցիտոկինների արտադրումը։ Օրգանիզմը քնի ընթացքում արտադրում և արտազատում է ցիտոկիններ, այդ պատճառով քնից հրաժարվելը կրկնակի հարված է օրգանիզմի համար:
Էլ չենք խոսում այն մասին, որ անբավարար քունը կարող է սթրես և առողջական այլ խնդիրներ առաջացնել։ Գիշերային լավ քունը ևս պաշտպանում է իմունային համակարգը։ Այն բարենպաստ ազդեցություն ունի հիշողության, տրամադրության, եռանդունության, նյութափոխանակության, վերականգնման և այլնի վրա։
Քունը առողջ իմունային համակարգի բաղադրիչներից մեկն է։ Կարևոր են նաև հավասարակշռված սննդակարգը, ֆիզիկական ակտիվությունը և իմունիտետին աջակցող սնուցիչերի ընդունումը:
Իրականում որքա՞ն պետք է լինի քնի տևողությունը:
Քունը եռանդ է հաղորդում և վերականգնում է օրգանիզմը։ Բայց որքա՞ն ժամանակ է պետք քնել, որպեսզի քունը օգտակար լինի:
Ըստ քնի Ազգային ֆոնդի՝ առողջ մեծահասակներին անհրաժեշտ է գիշերը քնել 7-ից 9 ժամ։ Նորածինները, երեխաները և դեռահասներն իրենց աճի և զարգացման համար ավելի երկարատև հանգստի կարիք ունեն: 65 տարեկանից բարձր մարդկանց անհրաժեշտ է գիշերը քնել 7-8 ժամ։*
Բայց չպետք է մոռանալ, որ յուրաքանչյուր մարդու քնի պահանջը տարբեր է: Ուղեկցող առողջական խնդիրները, հոգնեցուցիչ աշխատանքը և չկարգավորված աշխատանքային ժամերն ազդում են քնի պահանջի վրա։ Պետք է ուշադրություն դարձնել, թե երբ է առողջությունը հասնում օպտիմալ մակարդակի և փորձել պահպանել այդ ռեժիմը:
Ինչպե՞ս պահպանել քնի բարձր մակարդակը։
Լավ քունը ռեժիմ է պահանջում։ Առավոտյան ժամը 3-ին հեռուստացույցի ձայնի ներքո քնելու և կեսօրին արթնանալու սովորությունը թույլ չի տա քնից օգուտ քաղել։ Փոխարենը հարկավոր է փորձել, օրինակ, այսպիսի ռեժիմ.
- Քնել և արթնանալ նույն ժամերին. այդ դեպքում օրգանիզմում որոշակի ռիթմ կմշակվի։ Օրվա ընթացքում կարճ քունը կարող է գիշերը քնելու հետ կապված խնդիրների հանգեցնել և խաթարել օրգանիզմի կենսաբանական ռիթմը:
- Քնելուց առնվազն մեկ ժամ առաջ մի կողմ դնել բոլոր էլեկտրոնային սարքավորումերը. հեռախոսի, համակարգչի և հեռուստացույցի վնասակար կապույտ լույսից հանգստանալը կօգնի ավելի արագ քնել: Սարքավորումներ օգտագործելու փոխարեն քնելուց առաջ պետք է հանգստացնող զբաղմունք գտնել, օրինակ՝ գիրք կարդալ կամ թուլացնող յոգայով զբաղվել:
- Կանոնավոր ֆիզիկական ծանրաբեռնվածություն. ամենօրյա ֆիզիկական ակտիվությունը ոչ միայն բարելավում է ինքնազգացողությունը, այլև կարող է բարձրացնել քնի որակը: Ֆիզիկական վարժություններն ուժեղացնում են քնի բնական հորմոնի՝ մելատոնինի ազդեցությունը՝ օգնելով երկար օրվա ավարտին ավելի հանգիստ քնել:
- Սթրեսի կառավարում. սթրեսը և հոգնածությունը ոչ միայն կարող են փչացնել ողջ օրը, այլև խոչընդոտել գիշերը քնելուն: Անհրաժեշտ է օգնել օրգանիզմին հաղթահարել սթրեսը՝ մեդիտացիայի, սիրելիների հետ շփման կամ սնուցիչներ ընդունելու միջոցով:
Սնուցիչներ, որոնք օգնում են հաղթահարել սթրեսը
Մագնեզիումն ակտիվորեն նպաստում է սեղմված անոթների թուլացմանը և արյան ճնշման կարգավորմանը: Քանի որ սթրեսի ժամանակ մագնեզիումը շատ արագ է սպառվում, մագնեզիումի լրացուցիչ ընդունումն օգնում է բարձրացնել սթրեսակայունությունը և նվազեցնել անհանգստությունն ու դյուրագրգռությունը:
Solgar Մագնեզիումի ցիտատ․ մագնեզիումի օպտիմալ չափաբաժին՝ հեշտ յուրացվող օրգանական տեսքով:
Սնուցիչներ իմունիտետի պահպանման համար
1․ ԷՍՏԵՐ-C ՊԼՅՈՒՍ ԻՄՈՒՆԱՅԻՆ ԿՈՄՊԼԵՔՍ
Էստեր-С Պլյուս իմունային կոմպլեքս․ մշակվել է Solgar-ի փորձագետների կողմից և պարունակում է վիտամիններ, հանքանյութեր և բուսական բաղադրիչներ, որոնց ազդեցությունն ուղղված է իմունային համակարգի ամրապնդմանը:
2․ ՑԻՆԿԻ ՊԻԿՈԼԻՆԱՏ
Ցինկն անհրաժեշտ է օրգանիզմի բազմաթիվ հիմնական գործառույթների համար։ Այն կարևոր հանքանյութ է, որը կարող է հանդես գալ որպես հակաօքսիդանտ և մեծ դեր է խաղում օրգանիզմի բազմաթիվ համակարգերում, հատկապես՝ իմունային համակարգում:
Solgar-ի «Ցինկի պիկոլինատ» արտադրանքի մեջ ցինկը ներկայացված է օրգանական տեսքով, ինչը հեշտացնում է օրգանիզմի կողմից դրա յուրացումը։
Վիտամին D-ն ազդում է բնածին և ձեռքբերովի իմունիտետի գործառույթի վրա։ Վիտամին D-ն մասնակցում է բոլոր օրգանների և հյուսվածքների, այդ թվում՝ իմունային համակարգի բջիջների կարգավորմանը, ինչպես նաև ի վիճակի է կարգավորել հակամանրէային սպիտակուցների մակարդակը, ինչը կարող է որոշիչ դեր խաղալ վարակի դեմ պայքարում։
Եվ վերջում․․․
Երբ իմունային համակարգն առողջ է, այն ապահովում է օրգանիզմի պաշտպանությունը՝ ուժ հաղորդելով տարբեր ձեռքբերումների համար։ Բավականաչափ քունը իմունիտետը պահպանելու լավագույն միջոցներից մեկն է: Մի կողմ դրեք հեռախոսը, թույլ տվեք, որ մելատոնինն անի իր գործը, և մի քիչ քնեք։ Օրգանիզմը ձեզ շնորհակալ կլինի։
